بھارت کے شہر حیدرآباد میں تارناکہ کے علاقے میں خاتون کو اجتماعی زیادتی کا نشانہ بنادیا گیا، پولیس نے فوری کارروائی کرتے ہوئے پانچ ملزمان کو حراست میں لے لیا ہے۔
بین الاقوامی خبر رساں ادارے کی رپورٹ کے مطابق 7 دسمبر کو لالہ پیٹ سے تعلق رکھنے والا 32 سالہ شخص رات دیر گئے موٹر سائیکل پر تارناکہ سے پرشانت نگر جارہا تھا کہ راستے میں اسے ایک خاتون بس اسٹاپ پر کھڑی ہوئی نظر آئی۔
ملزم نے خاتون کو چھوڑنے کے بہانے اپنی موٹر سائیکل پر بٹھا لیا اور وہ اسے ریلوے کوارٹرز کے پاس واقع سنسان مقام پر لے گیا، جہاں وہ اور اس کے چار دوستوں نے مل کر خاتون کا گینگ ریپ کیا۔ بعدازاں خاتون کو تارنہ علاقہ میں چھوڑ کر فرار ہو گئے۔
اس معاملہ میں خاتون کی شکایت پر لالہ گوڑہ پولیس نے کیس درج کر کے سی سی ٹی وی فوٹیج کی مدد سے ملزمان کی شناخت کرکے انہیں حراست میں لے لیا ہے۔
دوسری جانب اوکاڑہ کے علاقے القدوس ٹاؤن میں بارہ سالہ گھریلو ملازمہ سے زیادتی کا مقدمہ درج کر لیا گیا ہے۔
تفصیلات کے مطابق اوکاڑہ کے علاقے القدوس ٹاؤن میں بارہ سالہ گھریلو ملازمہ سے زیادتی کا مقدمہ درج کر لیا گیا ہے، پولیس حکام کے مطابق کمسن گھریلو ملازمہ کی میڈیکل رپورٹ میں زیادتی کی تصدیق ہوگئی ہے۔
لندن میں ریلوے اسٹیشن پر سرِ عام لڑکی سے زیادتی
ملزم نے ملازمہ سے گن پوائنٹ پر زیادتی کی تھی، اس سے قبل راولپنڈی میں گھر یلو ملازمہ اور اس کی تیرہ سالہ بیٹی کو گھر کے مالک اور اس کے بھتیجے نے زیادتی کا نشانہ بنایا تھا۔
