حیدرآباد : حیدرآباد میں ایک مرتبہ پھر گرمی کی لہر میں اضافہ ہو گیا ہے منگل کو درجہ حرارت41ڈگری سینٹی گریڈ تک ریکارڈ کیا گیا، شدید گرمی میں لوڈ شیڈنگ سے روزہ دار بے حال ہوگئے ۔
بجلی کی طویل لوڈشیڈنگ، گاڑی کھاتہ سب ڈویژن میں دن بھر بجلی نہ ہونے سے گول بلڈنگ، کھوکھر محلہ، رسالہ روڈ، ریشم گلی، گاڑی کھاتہ، سمیت دیگر علاقوں میں معمولات زندگی ٹھپ ہوگئے۔
حیدرآباد اور گرد ونواح میں منگل کے روز سے دن بھر میں جھلسا دینے والی دھوپ اورحبس نے عوام باالخصوص روزہ داروں کو نڈھال کردیا ایک جانب گرمی دوسری جانب حیسکو کی جانب سے شہر بھر میں اعلانیہ وغیر اعلانیہ لوڈیشڈنگ نے زندگی مزید عذاب بنادی ۔
لطیف آباد کے یونٹ نمبر7,8سٹی میں پھلیلی،پریٹ آباد، گاڑی کھاتہ سب ڈویژن کے علاقوں میں طویل لوڈ شیڈنگ گاڑی کھاتہ سب ڈویژن سے دن بھر بجلی کی سپلائی معطل رہنے سے ریشم گلی، پکھا پیر،مکی شاہ، گاڑی کھاتہ گول بلڈنگ، کھوکھر محلہ، رسالہ روڈ کے علاقوں میں معمولات زندگی متاثر ہوکر رہ گئے اخبارات اور چینلزکے دفاتر میں بھی کام بری طرح متاثر ہوا۔
