حیدرآباد : تاجر کو غیر قانونی طور پر گرفتار اور تشدد کرنے پر پولیس اہلکاروں کی شامت آگئی، گرفتاری کیخلاف عدالت میں درخواست دینے پر جج نے اہلکاروں کو طلب کرلیا۔
حیدرآباد کی سیشن عدالت کے جج نے تاجر کو غیرقانونی طور پر گرفتار کرنے پر پولیس کو طلب کرلیا ہے، دوسرے تھانے کی حدود سے تاجر کو گرفتارکرنے پر اہلکاروں کو طلب کیا گیا۔
اس حوالے سے ذرائع کا کہنا ہے کہ موقع پر موجود دیگر تاجروں نے مزاحمت کرکے پولیس کے قبضے سے تاجر کو چھڑوا لیا تھا، اے آر وائی نیوز نے واقعے کی سی سی ٹی وی فوٹیج حاصل کرلی
فوٹیج میں پولیس اور تاجروں کے درمیان ہاتھاپائی ہوتے دیکھا جاسکتا ہے، عدالت میں دائر کی گئی درخواست میں درخواست گزار کا کہنا ہے کہ اہلکاروں نے اے سیکشن کی حدود میں غیرقانونی کارروائی کی،پولیس کیخلاف قانون کے تحت مقدمہ درج کیا جائے۔
سیشن جج نے درخواست پر کارروائی کرتے ہوئے اگلی سماعت پر تاجر پر تشدد کرنے والے پولیس اہلکاروں کو17دسمبر کو طلب کرلیا ہے۔
