لاہور : مسلم لیگ نون کے رہنمااورنوازشریف کے داماد کیپٹن ریٹائرڈ صفدر کا کہنا ہے کہ مستقبل قریب میں تومریم نواز کو وزیراعظم بنتا نہیں دیکھ رہا۔
تفصیلات کے مطابق مسلم لیگ نون کے رہنمااورنوازشریف کے داماد کیپٹن ریٹائرڈ صفدر نے اےاروائی نیوز کو تہلکہ خیز انٹرویو دیا۔
جس کے بعد کئی سوال اٹھ گئے ہیں کہ کیا مریم نواز کے گھر سے بغاوت کی آواز اُٹھنے لگی ہے؟
کیپٹن صفدر نے کہا کہ مستقبل قریب میں تومریم نواز کو وزیراعظم بنتا نہیں دیکھ رہا۔
انہوں نے دعویٰ کیا کہ انتخابات دوہزار پچیس میں ہوں گے، اور اگلے پانچ سال شہباز شریف کو ملے تو پاکستان میں استحکام آئے گا۔.
یاد رہے اس سے قبل ن لیگ کے کئی سینئر رہنما مریم نواز کو پارٹی کا سینئر نائب صدر اور چیف آرگنائزر بنانے پر ناراضگی کا اظہار کرتے ہوئے کہا تھا کہ چپ رہنےدیں ،اس عمر میں منافقت اور جھوٹ نہیں بولنا چاہتے۔
