The news is by your side.

Advertisement

بڑی کامیابی ، یورپی یونین کی جانب سے پاکستانی جہازوں پر عائد پابندی ختم ہونے کا امکان

اسلام آباد : عالمی ہوا بازی کی تنظیم اکاؤنے سول ایوی ایشن اتھارٹی پر سیفٹی سگنی فکینٹ کنسرن ( ایس ایس سی ) ختم کردیا، جس کے بعد یورپی یونین کی پابندی ہٹنے کے امکان روشن ہوگئے ہیں۔

تفصیلات کے مطابق سول ایوی ایشن اتھارٹی کے لیے اچھی خبر آگئی ، عالمی ہوا بازی کی تنظیم اکاؤ نے سول ایوی ایشن اتھارٹی پر سیفٹی سگنی فکینٹ کنسرن ( ایس ایس سی ) ختم کردیا۔

سیفٹی سگنی فکینٹ کنسرن ہٹنے سے یورپی یونین کی پابندی ہٹنےکےامکان روشن ہوگئے ہیں۔

اکاؤ نے سی اے اے کے آڈٹ کے دوران72.77 فیصد رینکنگ دی تھی اور سی اے اے کے آڈٹ کے دوران اکاؤنے اطمینان کا اظہار کیا تھا۔

ترجمان سی اے اے کا کہنا تھا کہ عالمی ہوا بازی کی تنظیم اکاؤ نے دسمبر میں سی اے اے کا مکمل طور پر آڈٹ کیا تھا اور سول ایوی ایشن اتھارٹی کے کردار کی تعریف کی تھی۔

سی اے اے کے ڈائریکٹر جنرل خاقان مرتضیٰ نے کہا  تھا کہ   یہ ایک سال کی ان تھک کوششوں کا نتیجہ ہے کہ آڈٹ کا نتیجہ بغیر کسی اہم خدشات کے انتہائی مثبت رہا ہے۔

Comments

یہ بھی پڑھیں