انٹرنیشنل کرکٹ کونسل (آئی سی سی) نے چیمپئنز ٹرافی کی ٹیم آف دی ٹورنامنٹ کا اعلان کردیا۔
آئی سی سی کی جانب سے اعلان کردہ چیمپئنز ٹرافی کی ٹیم میں کوئی پاکستانی کھلاڑی شامل نہیں، نیوزی لینڈ کے مچل سینٹنر کو کپتان منتخب کیا گیا ہے۔
ٹیم میں بھارت کے 6، نیوزی لینڈ کے 4 اور افغانستان کے دو کھلاڑی شامل ہیں۔
بھارت کے اکشر پٹیل کو ٹیم میں 12ویں کھلاڑی کے طور پر منتخب کیا گیا ہے، راچن رویندرا، ابراہیم زدران، ویرات کوہلی، شریاس ایئر، کے ایل راہول ٹیم کا حصہ ہیں۔
نیوزی لینڈ کے گلین فلپس، عظمت اللہ، مچل سینٹنر، محمد شامی، میتھ ہینری اور ورون چکرورتی بھی ٹیم کے لیے منتخب ہوئے ہیں۔
واضح رہے کہ چیمپئنز ٹرافی 2025 کے فائنل میں بھارت نے نیوزی لینڈ کو شکست دے کر تیسری بار ٹائٹل اپنے نام کرلیا۔
