The news is by your side.

Advertisement

ٹی ٹوئنٹی میں شاندار کارکردگی، آئی سی سی نے محمد رضوان کو بڑی خوش خبری سنادی

دبئی: قومی ٹیم کے وکٹ کیپر بلے باز محمد رضوان کو زمبابوے کے خلاف ٹی ٹوئنٹی سیریز میں شاندار کارکردگی کا صلہ مل گیا اور انہوں نے پہلی بار ٹی ٹوئنٹی کی ٹاپ رینکنگ میں جگہ بنالی ہے۔

تفصیلات کے مطابق آئی سی سی نے ٹی ٹوئنٹی کی تازہ ترین رینکنگ جاری کی ہے، قومی ٹیم کے وکٹ کیپر بلے باز محمد رضوان ٹی ٹوئنٹی رینکنگ میں اپنے کیریئر میں پہلی بار ٹاپ ٹین میں شامل ہوئے ہیں، آئی سی سی کی نئی رینکنگ میں وہ دسویں نمبر پر آئے ہیں۔

محمد رضوان کو یہ صلہ زمبابوے کے خلاف ٹی ٹوئنٹی سیریز میں عمدہ کارکردگی کے باعث ملا، قومی ٹیم کے وکٹ کیپر بلے باز محمد رضوان نے زمبابوے کے خلاف ٹی ٹوئنٹی سیریز میں دو نصف سینچریوں کی بدولت 186 رنز بنائے اور مین آف دی سیریز کے حقدار قرار پائے تھے۔یہی نہیں وکٹ کپیر بلے باز محمد رضوان ٹی 20 انٹرنیشنل میں سنچری بنانے والے دوسرے پاکستانی بلے باز کا اعزاز بھی رکھتے ہیں، انہوں نے یہ کارنامہ دورہ زمبابوے سے قبل جنوبی افریقہ کے خلاف پہلے ٹوئنٹی 20 میچ میں انجام دیا تھا۔

یہ بھی پڑھیں:’ہمیشہ حلال کمائی کو ترجیح دی‘ : محمد رضوان نے کامیابی کے راز بتا دیے

 اس شاندار اننگز کی بدولت رضوان نے کئی اہم ریکارڈ بھی اپنے نام کئے، وہ پاکستان کے پہلے وکٹ کیپر ہیں جنھوں نے ٹی 20 انٹرنیشنل میں سنچری اسکور کی۔

واضح رہے کہ محمد رضوان کو پچھلے سال انگلینڈ میں شان دار کارکردگی پر وزڈن فائیو 2021 میں شامل کیا گیا ہے، محمد رضوان کو یہ اعزاز وکٹوں کے پیچھے اور بیٹنگ میں کارکردگی دکھانے پر دیا گیا، انھوں نے 3 ٹیسٹ میچز میں 161 رنز بنائے اور 5 کیچز پکڑے تھے۔

 

Comments

یہ بھی پڑھیں