دبئی: انٹرنیشنل کرکٹ کونسل (آئی سی سی) نے انڈر 19 ورلڈ کپ کے شیڈول کا اعلان کردیا۔
آئی سی سی نے انڈر 19 ورلڈ کپ کے شیڈول کا اعلان کیا ہے جس کے مطابق بھارت، بنگلہ دیش، امریکا اور آئرلینڈ گروپ اے میں شامل ہیں جبکہ گروپ بی میں انگلینڈ، جنوبی افریقہ، ویسٹ انڈیز اور اسکاٹ لینڈ کو شامل کیا گیا ہے۔
گروپ سی آسٹریلیا، سری لنکا، زمبابوے اور نمیبیا پر مشتمل ہے، پاکستان، افغانستان، نیوزی لینڈ اور نیپال کی ٹیمیں گروپ ڈی کا حصہ ہیں۔
ہر گروپ سے تین، تین ٹیمیں سپر سکس کے دو پول میں کوالیفائی کریں گی۔
The wait is over
Fixtures for the 2024 ICC U19 Men’s Cricket World Cup in South Africa are OUT! ️#U19WorldCup | More ➡️ https://t.co/IX3eV3Z5fY pic.twitter.com/glWKCQF7xJ
— ICC (@ICC) December 11, 2023
انڈر 19 ورلڈ کپ کا آغاز 19 جنوری کو آئرلینڈ اور امریکا کے میچ سے ہوگا، پاکستان اپنا پہلا میچ 20 جنوری کو افغانستان سے کھیلے گا۔
میگا ایونٹ کے سیمی فائنل 6 اور 8 فروری کو کھیلے جائیں گے جبکہ فائنل 11 فروری کو ہوگا۔
واضح رہے کہ انڈر 19 ورلڈ کپ میں بھارتی ٹیم اپنے اعزاز کا دفاع کرے گی۔