پاکستان کرکٹ بورڈ ذرائع کا کہنا ہے کہ اگر ایشیا کپ میں بھارت پاکستان نہیں آیا تو ہم ورلڈ کپ میں بھارت نہیں جائیں گے۔
اے آر وائی نیوز کے مطابق ذرائع پی سی بی کا کہنا ہے کہ ایشیا کپ دو ملکی نہیں بڑا ٹورنامنٹ ہے پاکستان میں ہی کرائیں گے اگر بھارت نہیں آتا تو ہم ورلڈ کپ میں بھارت نہیں جائیں گے۔
پی سی بی کا کہنا ہے کہ پاکستاب سب کی میزبانی کرچکا ہے کرکٹ کے لیے محفوظ ملک ہے۔
ذرائع کا کہنا ہے کہ ایشیا کرکٹ کونسل کا اجلاس مارچک تک ملتوی ہوگیا جبکہ آئی سی سی اجلاس بھی مارچ میں ہوگا، 2023 کے ایشیا کپ اور ورلڈ کپ دونوں کے فیصلے مارچ میں کیے جائیں گے۔
Sources say PCB has reiterated its stance … if India doesn’t come for the Asia Cup, Pakistan will not go for the 2023 World Cup
— Shahid Hashmi (@hashmi_shahid) February 4, 2023
واضح رہے کہ اومان میں منعقدہ ایشین کرکٹ کونسل کا اجلاس بے نتیجہ ختم ہوگیا پاکستان کا مضبوط موقف ہے کہ ایشیا کپ پاکستان میں ہی ہوگا۔
ذرائع کا بتانا تھا کہ بھارت کی ہٹ دھرمی برقرار ہے اور ان کا مطالبہ ہے کہ ایشیا کپ کو یو اے ای منتقل کیا جائے۔
ایشین کرکٹ کونسل نے متفقہ طور پر ایشیا کپ کے بارے میں فیصلہ موخر کردیا ہے اور مارچ میں اگلا اجلاس دبئی میں ہونے کا امکان ہے۔
اس معاملے پر اے سی سی کی جانب سے جاری بیان میں کہا گیا ہے کہ ’ایشیا کپ 2023 کے حوالے سے اے سی سی اجلاس میں تعمیری بات جیت ہوئی اور بورڈ نے اس بات پر اتفاق کیا ہے کہ ٹورنامنٹ کے کامیاب انعقاد کے لیے آپریشنز، ٹائم لائن اور دیگر اہم امور پر بات چیت کا سلسلہ جاری رکھا جائے گا۔
