پشاور کے باچا خان انٹرنیشنل ایئرپورٹ پر اے ایس ایف نے کارروائی کرتے ہوئے بحرین جانے والے مسافر سے آئس ہیروئن برآمد کرلی۔
اے آر وائی نیوز کے مطابق باچا خان انٹرنیشنل ایئرپورٹ پر اے ایس ایف نے کارروائی کرتے ہوئے بحرین جانے والے مسافر سے ایک کلو دوسو ساٹھ گرام آئس ہیروئن برآمد کرلی۔
منشیات دوران تلاشی مسافر کے سامان سے برآمد ہوئی جس کے بعد اے ایس ایف نے ملزم کو گرفتار کرلیا۔
اے ایس ایف ذرائع کے مطابق مسافر صدام خان نے آئس ہیروئن انتہائی مہارت سے بیگ میں چھپا رکھی تھی۔
ملزم کو ابتدائی تحقیقات کے بعد منشیات سمیت اے این ایف کے حوالے کردیا گیا ہے۔
واضح رہے کہ اے ایس ایف اس سے قبل بھی پشاور ایئرپورٹ پر کارروائی کرکے منشیات اسمگلنگ کی کوشش ناکام بناچکی ہے
مزید پڑھیں:پشاورایئرپورٹ پر اے ایس ایف کی کارروائی، مسافر گرفتار
مذکورہ مسافر بھی منشیات لے کر بحرین جا رہا تھا کہ اے ایس ایف نے اس کی تلاشی کے دوران ایک کلو ہیروئن برآمد کی تھی
