site
stats
سائنس اور ٹیکنالوجی

نوکیا کے مقبول ترین سیٹ 3310 کو دوبارہ پیش کرنے کا فیصلہ

ایسپو: موبائل فون بنانے والی معروف کمپنی نوکیا نے اپنے کامیاب ماڈل 3310 کو رواں ماہ کے آخر میں موبائل ورلڈ کانگریس میں دوبارہ پیش کرنے کا ارادہ رکھتی ہے۔

موبائل فون کے ماڈلز پر خاص نظر رکھنے والے ایوان بالا نے سماجی رابطے کی ویب سائٹ پر ایک ٹوئٹ کے ذریعے آگاہ کیا کہ موبائل فون کمپنی کامیاب ماڈل 3310 کو دوبارہ لانچ کرنے کا ارادہ رکھتی ہے۔

انہوں نے 3310 کے حوالے سے شیئر کی جانی والی پوسٹ میں کہا کہ یہ سیٹ ایچ ایم ڈی نامی کمپنی تیار کرے گی جو رواں ماہ کے آخر تک مارکیٹ میں فروخت کے لیے پیش کردیے جائیں گے۔

پڑھیں: ’’ نوکیا کے اینڈرائیڈ فون ایک منٹ میں فروخت ‘‘

ابتدائی معلومات کے مطابق نوکیا کے دوبارہ آنے والے 3310 کی قمیت 59 یورو مقرر کی گئی ہے جو تقریباً 64 ڈالرز کے قریب بنتی ہے، اس سیٹ میں پرانی روایات کو مدنظر رکھتے ہوئے گیم، گھڑی، کیلکولیٹر اور سب سے بڑھ کر مضبوط باڈی کی خصوصیت شامل ہے۔

n3

خیال رہے کہ نوکیا کی جانب سے 3310 کا پہلا ماڈل 2000 کے اوائل میں متعارف کروایا گیا تھا، جس اپنی پائیداری اور مضبوطی کی وجہ سے بہت زیادہ مشہور ہوا اور اس نے کمپنی کو فائدہ بھی دیا۔

n1

نوکیا نے اس کے بعد پے درپے سیٹ مارکیٹ میں پیش کیے تاہم اسمارٹ فون متعارف ہونے کے بعد نوکیا کی مارکیٹ بہت زیادہ متاثر ہوئی تھی تاہم کمپنی کا مائیکروسافٹ سے معاہدے کے بعد نوکیا کی مارکیٹ تقریبا ختم ہی ہوگئی تھی۔

n2

انتظامیہ نے مارکیٹ میں اپنی منفرد پہچان کو بنانے کے لیے ایک بار پھر نئے سیٹس کی لانچنگ کا سلسلہ شروع کردیا، نوکیا کے حال ہی میں آنے والے فون صارفین کی توجہ حاصل کرنے میں کامیاب ہوگئے ہیں تاہم ممکن ہے کہ نوکیا کے پرانے سیٹ کا نیا ماڈل ایک بار پھر توجہ حاصل کرنے میں کامیاب ہوجائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top