غزہ: اسرائیلی فوجی سربراہ نے غزہ میں ناکامیوں کے باوجود جنگ جاری رکھنے کا اعلان کر دیا۔
غیر ملکی میڈیا رپورٹس کے مطابق غزہ میں مسلسل ناکامیوں کے باجود اسرائیلی فوج کے سربراہ هرتسي هاليفي نے غزہ جنگ پورے سال جاری رکھنے کا اعلان کر دیا ہے۔
مقبوضہ مغربی کناے کے دورے کے دوران اسرائیلی فورس کے سربراہ هرتسي هاليفي فوجیوں کے سامنے مسلسل ہونے والی ناکامیوں پر پر پھٹ پڑے، ناکامیوں کا اعتراف کرتے ہوئے کہا کہ حماس کے خلاف جنگ اسرائیل کے لیے ایک آفت ہے۔
انھوں نے کہا کہ اسرائیل حزب اللہ کے ساتھ جھڑپوں کی بھی بھاری قیمت ادا کر رہا ہے، سال 2024 غزہ جنگ کہ وجہ سے اسرائیل کے لیے مشکل سال ہوگا لیکن لگتا ہے کہ پورا سال جنگ میں ہی گزرے گا۔
#عاجل | رئيس أركان الجيش الإسرائيلي: نواصل الضغط على #حزب_الله وسنغير الوضع الأمني الحالي عبر هذه المواجهة أو سنصعدها pic.twitter.com/AGbd51Q3OD
— قناة الجزيرة (@AJArabic) January 7, 2024
دوسری طرف غزہ میں جنگ میں پے در پے ناکامیوں کے باوجود اسرائیلی وزیرِ اعظم نتین یاہو کی ہٹ دھرمی بھی برقرار ہے، جنگی کابینہ کے اجلاس میں حزب اللہ کو بھی دھمکی دے دی، کہا حزب اللہ کو حماس سے سبق سیکھنا چاہیے، لبنانی تنطیم باز نہیں نہ آئی تو حماس والا حال کر دیں گے، کوئی جنگجو بچ نہیں پائے گا۔
نیتن یاہو نے کہا کہ ہم غزہ جنگ کا سفارتی حل بھی نکالیں گے لیکن اگر ایسا نہ ہوا تو دوسرا راستہ اپنائیں گے، بنیادی اہداف حاصل کیے بغیر جنگ ختم نہیں ہوگی، حماس تما م یرغمالیوں کو رہا کرے۔
