قومی ٹیم کے سابق کپتان معین خان نے کہا ہے کہ بھارت ایشیاکپ کھیلنے پاکستان نہیں آتا تو پاکستان کو بھی نہیں جانا چاہیے۔
اے آر وائی نیوز سے گفتگو کرتے ہوئے معین خان نے کہا کہ ایشیاکپ پاکستان میں نہ ہوا تو ورلڈکپ بھی نیوٹرل مقام پر کرایا جائے بھارت پیسےکی دھونس سے دوسرےکرکٹ بورڈز پر مرضی نہیں تھونپ سکتا بھارت ایشیاکپ نیوٹرل مقام پرکھیلےتوپاکستان کےمیچزبھی نیوٹرل مقام پرہوں۔
معین خان نے کہا کہ کرکٹ ہونی چاہیے اس کیلئے پاک بھارت بورڈز میں بات چیت ہونی چاہیے بھارت کیوں پاکستان آنے سے کتراتا یا گھبراتا ہے؟ وجوہات معلوم ہونی چاہیے دونوں ممالک کے درمیان کرکٹ ڈپلومیسی ہونی چاہیے۔
ان کا کہنا تھا کہ افغانستان کیخلاف سیریز میں نوجوان کھلاڑیوں کو موقع دینا خوش آئند ہے پاکستان ٹیم میں نوجوان کھلاڑیوں کابیک اپ انتہائی ضروری ہے قومی کرکٹ ٹیم کاہیڈکوچ پاکستانی ہوناچاہیے۔
سابق کپتان نے کہا کہ فاسٹ بولر محمدعامر بہترین کھلاڑی ہیں محمدعامر کی پرفارمنس اچھی ہےتوٹیم میں ضرور شامل کریں شاداب خان کو بطور کپتان صرف ایک سیریزملی شاداب خان کو نائب کپتانی سے فوری طور پر ہٹانا مناسب نہیں ہوگا۔
انہوں نے کہا کہ شاہین شاہ آفریدی نےپاکستان سپرلیگ میں بہترین کپتانی کی انہوں نے مسلسل 2سال لاہور قلندرز کو فاتح بنایا شاہین شاہ آفریدی کے پوٹینشل کو نظرانداز نہیں کیاجا سکتا مستقبل میں شاہین آفریدی قومی ٹیم کےکپتان کیلئےبہترین انتخاب ہوسکتےہیں۔
