The news is by your side.

Advertisement

ایم کیو ایم کو پٹرولیم قیمتوں پر اعتراض ہے تو وفاق سےعلیحدہ ہو،سعید غنی

کراچی: وزیر تعلیم سندھ سعید غنی نے کہا ہے کہ ایم کیو ایم کو پٹرولیم قیمتوں پر اعتراض ہے تو وفاق سےعلیحدہ ہو۔

تفصیلات کے مطابق کراچی میں پریس کانفرس کے دوران وزیر تعلیم سندھ سعید غنی نے کہا کہ ایم کیو ایم کو پٹرولیم قیمتوں پر اعتراض ہے تو وفاق سےعلیحدہ ہو، ایم کیوایم وفاق کا حصہ ہے ان کے فیصلوں سے خود کو لاتعلق نہیں کرسکتی۔

سعید غنی کا کہنا تھا کہ ایم کیوایم دعوے کرتی رہی کہ کراچی کے لیے بجٹ میں کچھ نہیں رکھا،ایم کیوایم کراچی کی ترقی کے لیے وفاقی حکومت سے کیوں مطالبہ نہیں کرتی۔

وزیر تعلیم سندھ نے کہا کہ ایم کیو ایم پاکستان بتائے پی ایس ڈی پی میں کراچی کے لیے کتنا پیسہ رکھا گیا ہے،کیا ایم کیو ایم نے ایسا دھرنا کبھی قومی اسمبلی کےسامنے کیا،ایم کیو ایم 2 سے 4 ارب روپے ترقیاتی فنڈ کی مد میں لے کر چپ کر کے بیٹھ گئی۔

انہوں نے کہا کہ سندھ حکومت کی جانب سے ہر ماہ کے ایم سی کو پیسے دیے جاتے ہیں،کے ایم سی کو ہر ماہ پنشن اور ملازمین تنخواہوں کے پیسے دیے جاتے ہیں، سندھ کے اور کسی ادارے کو ہر ماہ پیسے نہیں دیے جاتے۔

صوبائی وزیر تعلیم کا کہنا تھا کہ سندھ حکومت نے 5 سال میں کے ایم سی کو 66۔056بلین روپے دیے،کے ایم سی کے 1.62 بلین کے بجلی کے بل سندھ حکومت نے ادا کیے ہیں۔

Comments

یہ بھی پڑھیں