حکومت ایم کیو ایم اوراسکے قائد کیخلاف فوری ایکشن لے، افتخار چوہدری -
The news is by your side.

Advertisement

حکومت ایم کیو ایم اوراسکے قائد کیخلاف فوری ایکشن لے، افتخار چوہدری

لاہور : سپریم کورٹ کے سابق چیف جسٹس افتخار چوہدری نے کہا ہے کہ ایم کیو ایم پر پابندی تو دور کی بات، پاکستان مردہ باد کی بات کرنے والے کو پاکستان میں زندہ رہنے کا بھی حق نہیں ہے۔

پنجاب یونیورسٹی میں موومنٹ آف ایسوسی ایٹڈ پاکستانی فارماسسٹ کی تقریب کے بعد میڈیا سے گفتگو کرتے ہوئے افتخار چوہدری نے کہا کہ حیران ہوں کہ وفاقی حکومت نے پاکستان مخالف بیان پر الطاف حسین اور ایم کیو ایم کے خلاف ابھی تک ایکشن کیوں نہیں لیا۔

افتخارچوہدری نے کہا کہ کراچی میں امن وامان کا مسئلہ ہے۔ اس کے ذریعے پانامہ لیکس کو دبانے کی سازش نہیں کی جارہی۔ جبکہ ملک میں گڈ گورننس اور ٹرانسپرینسی کہیں نظر نہیں آرہی۔

چیئرمین پی ٹی آئی کے حوالے سے ایک سوال کے جواب میں ان کا کہنا تھا کہ عمران خان اپنے مستقبل کے بارے میں خود ہی بتا سکتے ہیں۔ اس موقع پر سابق چیف جسٹس نے ینگ فارماسسٹس سے حلف لیا اور ملکی ترقی کیلئے فارماسسٹس کو اپنا کردار ادا کرنے پر زور دیا۔

 

Comments

comments

یہ بھی پڑھیں