قومی ٹیم کے جارح مزاج بیٹر افتخار احمد نے ٹیم کی شکست پر قوم سے معذرت کرلی۔
گزشتہ روز کھیلے گئے 5 ٹی ٹوئنٹی میچز کی سیریز کے تیسرے میچ میں نیوزی لینڈ نے پاکستان کو سنسنی خیز مقابلے کے بعد 4 رنز سے شکست دے دی۔
نیوزی لینڈ نے پہلے کھیلتے ہوئے 164 رنز کا ہدف دیا، ہدف کے تعاقب میں گرین شرٹس کا آغاز مایوس کن رہا اور آدھی ٹیم 55 رنز پر پویلین لوٹ گئی۔
تاہم دو وکٹیں اور گرنے کے بعد 8 ویں وکٹ کی شراکت میں افتخار اورفہیم اشرف نے ذمہ درانہ بیٹنگ کرتے ہوئے پاکستان کو جیت کی امید دلائی لیکن پھر فہیم اشرف 27 رنز بنا کر کیچ آؤٹ ہوگئے۔
Yesterday's thriller not only provided entertainment and excitement to #PakistanFutureStars but was also a huge learning experience for them. Let's rewind the last over with Pakistan U19 players. pic.twitter.com/RNuPcVHEKM
— Pakistan Cricket (@TheRealPCB) April 18, 2023
پاکستان کو آخری اوور میں 15 رنز درکار تھے پھر افتخار احمد چھکا اور چوکا لگا کر گرین شرٹس کو جیت کے قریب لے آئے لیکن پھر اوور کی چوتھی گیند پر وہ کیچ آؤٹ ہوگئے، اس کے بعد آخری گیند پر حارث رؤف بھی کیچ دے بیٹھے اور یوں پاکستان ٹیم 159 پر ڈھیر ہوگئی۔
گرین شرٹس کو 4 رنز سے شکست کا سامنا کرنا پڑا،افتخار احمد نے 24 گیندوں پر 6 چھکوں اور 3 چوکوں کی مدد سے 60 رنز کی جارحانہ اننگز کھیلی۔
میچ کے بعد افتخار احمد نے گفتگو کرتے ہوئے کہا کہ پوری قوم سے معذرت کرتا ہوں ہم میچ جیت سکتے تھے لیکن فنش نہیں کرپائے، کوشش ہوگی سیریز جیتیں۔
انہوں نے کہا کہ انٹرنیشنل کرکٹ میں پریشر ہوتا ہے کل بھی میچ میں پریشر تھا، فہیم کے ساتھ بات ہوئی تھی کہ باؤنڈری لگانی ہے کیونکہ ایوریج پندرہ اوور کے قریب تھا۔
.@IftiAhmed221 and @iFaheemAshraf talk about their blistering stand in the third T20I and look ahead to the remaining two matches in Rawalpindi.#PAKvNZ | #CricketMubarak pic.twitter.com/HwLHAgI6S3
— Pakistan Cricket (@TheRealPCB) April 17, 2023
فہیم اشرف نے کہا کہ خوش قسمت ہوں بیٹنگ کے دوران افتخار احمد جیسا پارٹنر ملا، پلان یہی تھا کہ آخری تک کریز پر رہ کر ٹیم کو کامیابی دلواتے۔
