The news is by your side.

Advertisement

آئی جی خیبر پختونخوا کا صوبے میں دہشت گردی ختم کرنے کا دعویٰ

پشاور : آئی جی خیبر پختونخوا ثنااللہ عباسی نے خیبر پختونخوا میں دہشت گردی ختم کرنے کا دعویٰ کرتے ہوئے کہا 3، 4 سالوں میں دہشت گردی کے تمام واقعات کا سراغ لگالیا ہے۔

تفصیلات کے مطابق آئی جی خیبر پختونخوا ثنااللہ عباسی نے اے آروائی نیوزسےخصوصی گفتگو کرتے ہوئے کہا کے پی کے میں دہشت گردی تقریباً ختم کردی ہے، بچےکچے دہشت گرد گرفتارہورہے ہیں یا مارے جا رہےہیں۔

،ثنا اللہ عباسی کا کہنا تھا کہ 3، 4 سالوں میں دہشت گردی کے تمام واقعات کاسراغ لگالیاہے، افغانستان بارڈرپرجوفینسنگ سےکافی فرق پڑاہے، افغانستان سےجوکالزآرہی ہیں اس پر وزیرخارجہ کو لکھا معاملے کو اٹھائیں۔

یاد رہے پشاور میں سی ٹی ڈی نےبروقت کارروائی کرکےدہشت گردی کا بڑامنصوبہ ناکام بنادیا تھا ،فائرنگ کے تبادلے میں چار دہشت گرد ہلاک ہوئے جبکہ ملزمان سے چھ دستی بم اور چارکلاشنکوف برآمد ہوئیں۔

پولیس حکام کے مطابق دہشت گرد پشاو میں تخریب کاری کا منصوبہ بنارہے تھے۔

خیال رہے رواں سال جنوری میں وفاقی حکومت کی جانب سے ثنا اللہ عباسی کو آئی جی خیبر پختونخوا تعینات کیا گیا تھا ، ثنااللہ عباسی آئی جی گلگت بلتستان کے طور پر خدمات سرانجام دے رہے تھے۔

Comments

یہ بھی پڑھیں