کراچی : آئی جی سندھ غلام نبی میمن نے شہرقائد میں منشیات فروشی کے خلاف بڑے پیمانے پر کریک ڈاون کے احکامات جاری کردیے ، ہر علاقے میں منشیات فروشوں کی اے بی اور سی کیٹگری لسٹیں بھی تیارکرلی گئیں۔
تفصیلات کے مطابق ملزم ارمغان قریشی اورساحرحسن کی گرفتاری کے بعد منظم منشیات فروشی کے انکشافات پر کراچی میں منشیات فروشی کے خلاف بڑے پیمانے پر کریک ڈاؤن کا فیصلہ کرلیا۔
پولیس کو گرینڈ آپریشن کرنے کے احکامات جاری کردیے گئے، آئی جی سندھ غلام نبی میمن نے اے آر وائی نیوز سےخصوصی گفتگو کرتے ہوئے کہا کہ خفیہ معلومات سےمنشیات فروشوں کی اے ،بی ،سی گیٹگری فہرستیں تیار کرلی گئیں ہیں ، منشیات فروشوں کیخلاف بھرپورکریک ڈاؤن کریں۔
غلام نبی میمن کا کہنا تھا کہ منشیات ایک بین الاقوامی مسئلہ ہےپاکستان یاسندھ مستثنیٰ نہیں، یہاں پر بھی منشیات بہت بڑا مسئلہ بن گیا ہے، کرائم بھی منشیات فروشی کے ساتھ گٹھ جوڑ میں ہے،آئی جی سندھ
انھوں نے بتایا کہ اس کاروبار میں اتنا زیادہ منافع ہے کہ یہ رک نہیں پارہا، لوگ یہاں کی مارکیٹ استعمال کرتےہیں کاروباربڑھتا جارہاہے، پوری کوشش ہے اگلے چنددنوں میں بھرپورکریک ڈاؤن کریں۔
آئی جی سندھ کا کہنا تھا کہ منشیات کے عادی افراد چوری کرتے ہیں، شہرکی خوبصورتی خراب کرتے ہیں، منشیات کاکاروبار ایسا گھناؤنا کام ہےجسےروکنےمیں عوام نے ساتھ دیناہے، عوام ہمارا ساتھ اسی وقت دےگی جب ہم آن گراؤنڈ ایکشن لیں گے۔
انھوں نے مزید کہا کہ ساحرحسن کیس میں کوشش کی نیٹ ورک میں موجود لوگوں کو پکڑیں، کارروائیاں کیں جو ثبوت ملے ہیں یقین ہے ان کی سزا کاباعث بنیں گے۔
غلام نبی میمن نے بتایا کہ پولیس جب کسی کوپکڑتی ہےتو عدالت میں پولیس کی گواہی نہیں چلتی، جب عوام اورپولیس مل کر کام کرینگےتو فرق پڑےگا، شناخت کرکےتھانوں کوبتایا یہ منشیات فروش آپ کےعلاقےمیں کام کررہےہیں، تھانہ ڈسٹرکٹ اورزون کی ذمہ داری ہےکہ وہ ایکشن لیں، جتنا وہ کام کریں گے اتنی ہے سوسائٹی میں بہتری آئے گی۔
