آئی جی سندھ کا سیکیورٹی اقدامات مزید سخت کرنے کا حکم -
The news is by your side.

Advertisement

آئی جی سندھ کا سیکیورٹی اقدامات مزید سخت کرنے کا حکم

کراچی: سوات خیبر پختونخوا ریموٹ کنٹرول دھماکے کے تناظر میں آئی جی سندھ اے ڈی خواجہ نے پولیس کو احکامات جاری کیے ہیں کہ صوبائی سیکیورٹی پلان کے تحت جاری سیکیورٹی اقدامات کے مجموعی امور کو مزید سخت ، مربوط اور غیر معمولی بنایا جائے۔

ترجمان سندھ پولیس کے مطابق آئی جی سندھ نے جاری احکامات میں کہا ہے کہ تمام سرکاری نیم سرکاری عمارتوں،دفاتر، قونصل خانوں،سفارت کاروںکے رہائشی مقامات،حساس تنصیبات،ریلوے اسٹیشنوں،ایئر پورٹس،بس ٹرمینلز وغیرہ سمیت تمام پبلک مقامات ، تجارتی و صنعتی علاقوں میں قانون نافذ کرنے والے دیگر اداروں و انٹیلی جینس ایجینسیوں سے رابطوں میں رہتے ہوئے حفاظتی اقدامات کو پولیس رینج ، ڈسٹرکٹس ، زونز کی سطح پر انتہائی ٹھوس اور مؤثر بنایا جائے۔

انہوں نے کہا کہ خفیہ سراغ رسانی اور اس کے تحت حاصل ہونے والی معلومات کی شیئرنگ اور فالو کرنے کے عمل کو یقینی بناتے ہوئے کسی بھی ممکنہ ناخوشگوار واقعہ کے حوالے سے بروقت انسدادی اقدامات کو یقینی بنایا جائے۔صوبے کے تمام داخلی خارجی راستوں ، میدانی ، مضافاتی علاقوں میں تھانوں کے لحاظ سے ناکہ بندی ، کڑی نگرانی اور سرچنگ جیسے اقدامات کو مربوط اور غیر معمولی بنایا جائے، جبکہ تمام ہائی ویز کے ساتھ ساتھ علاقوں میں پیٹرولنگ کو مذید سخت کیا جائے، رینڈم اسنیپ چیکنگ ، پکٹنگ اور بالخصوص موٹر سائیکل گشت کو تمام تھانہ جات مسلسل رابطوں کے تحت غیر معمولی بنائیں۔

Comments

comments

یہ بھی پڑھیں