The news is by your side.

Advertisement

آئی جی سندھ کا ’گرین پولیس لائنز‘ کا منصوبہ

کراچی: آئی جی سندھ نے’’گرین پولیس لائنز‘‘ کا منصوبہ پیش کرتے ہوئے محکمے کی اراضی اور عمارتوں کے اطراف میں پودے لگانے کا حکم دے دیا۔

تفصیلات کے مطابق آئی جی سندھ نے محکمۂ پولیس کی اراضی اور عمارتوں میں شجر کاری کا منصوبہ بناتے ہوئے ذمہ داران کو اس کے لیے اقدامات کا حکم جاری کر دیا۔

گرین پولیس لائنز منصوبے کے تحت شجر کاری مہم میں صرف نیم، مینگرو، اشوکا اور الوسٹونیا کے پودے لگانے کی اجازت دی گئی ہے۔

محکمۂ پولیس کی جانب سے جاری اعلامیے میں ہدایت کی گئی ہے کہ آئی جی سندھ کے حکم نامے پر ترجیحی بنیادوں پر عمل در آمد کیا جائے۔

باضابطہ نوٹیفکیشن میں پولیس افسران کو شجر کاری مہم سے متعلق ہفتہ وار رپورٹ ارسال کرنے کی بھی ہدایت کی گئی ہے۔

کراچی: این اے243، انتخابی مہم میں ’شجر کاری‘

نوٹیفکیشن میں تنبیہہ کی گئی ہے کہ جاری اعلامیے پر سنجیدگی کے ساتھ عمل کیا جائے، آئی جی سندھ اچانک دورے کر کے شجرکاری مہم کا جائزہ بھی لیں گے۔

واضح رہے کہ تین دن قبل این اے 243 میں ایم کیو ایم پاکستان کے امیدوار علی رضا عابدی نے بھی شہرِ قائد میں شجر کاری کی اہمیت کو اجاگر کرنے کے لیے عوامی سطح پر مہم کا آغاز کیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں