اسلام آباد : اسلام آباد ہائی کورٹ نے منی لانڈرنگ کیس میں وزیراعظم کے صاحبزادے سلیمان شہباز کی حفاظت ضمانت کا تحریری حکمنامہ جاری کردیا۔
تفصیلات کے مطابق اسلام آباد ہائی کورٹ نے سلیمان شہباز کی منی لانڈرنگ کیس میں حفاظت ضمانت کیس کا تحریری حکمنامہ جاری کر دیا۔
اسلام آباد ہائی کورٹ کے چیف جسٹس عامر فاروق نے تحریری حکمنامہ جاری کیا ، جس میں سلیمان شہباز کو متعلقہ عدالت کے سامنے پیش ہونے کی ہدایت کر دی ہے۔
- Advertisement -
تحریری حکم نامے میں اسلام آباد ہائی کورٹ نے سلیمان شہباز کی چودہ روزہ حفاظتی ضمانت منظور کرلی ہے، عدالت نے 25 ہزار مچلکوں کی عوض حفاظتی ضمانت منظور کی۔
اسلام آباد ہائی کورٹ نے ایف آئی اے کو سلیمان شہباز کی گرفتاری سے روک دیا۔
