اسلام آباد : اسلام آباد ہائی کورٹ نے محسن شاہنواز رانجھا پر حملے سے متعلق کیس میں پی ٹی آئی چیئرمین عمران خان کو شامل تفتیش ہونے کا حکم دے دیا۔
تفصیلات کے مطابق اسلام آباد ہائیکورٹ میں محسن شاہنواز رانجھا پر حملے سے متعلق کیس کی سماعت ہوئی۔
وکیل عمران خان عدالت میں پیش ہوئے اور عدالت کو بتایا کہ عمران خان شامل تفتیش ہو جائیں گے۔
ایڈووکیٹ جنرل نے کہا کہ اِن سے کہیں کسی ایک کیس کا تو ٹرائل آگے بڑھنے دیں، جس پر چیف جسٹس عامر فاروق کا کہنا تھا کہ اگر عمران خان شامل تفتیش نہیں ہوتے تو قانون اپنا راستہ خود بنائے گا، ملزم اگر شامل تفتیش نہیں ہوتا تو اسکے اپنے نتائج ہیں۔
اسلام آباد ہائی کورٹ نے عمران خان کی آج کی حاضری سے استثنیٰ کی درخواست منظور کرتے ہوئے 21 مارچ تک عبوری ضمانت میں توسیع کردی۔
اسلام آباد ہائیکورٹ نے عمران خان کو شامل تفتیش ہونے کا حکم دیتے ہوئے ان کی عبوری ضمانت میں 21 مارچ تک توسیع کردی۔
