اسلام آباد : اسلام آباد ہائی کورٹ نے سابق وزیر شیریں مزاری کا نام پاسپورٹ کنٹرول لسٹ سے نکالنے کا حکم دے دیا۔
تفصیلات کے مطابق اسلام آباد ہائی کورٹ نے سابق وزیر شیریں مزاری کا نام پاسپورٹ کنٹرول لسٹ سے نکالنے کی درخواست پر فیصلہ جاری کردیا۔
شیریں مزاری کا نام پاسپورٹ کنٹرول لسٹ سے نکالنے کا حکم دے دیا اور شیریں مزاری کا نام پاسپورٹ کنٹرول لسٹ میں ڈالنا غیر منصفانہ اورغیر قانونی قرار دیا۔
اسلام آباد ہائیکورٹ کے جسٹس طارق محمود جہانگیری نے محفوظ فیصلہ سنایا، عدالت نے کہا کہ ڈی جی امیگریشن پاسپورٹ ایک ہفتےمیں نام نکال کر ڈپٹی رجسٹرارکو رپورٹ پیش کریں۔
اسلام آباد ہائیکورٹ نے شیریں مزاری کا نام پاسپورٹ کنٹرول لسٹ سے نکالنے کی درخواست م21 نومبر کو فریقین کے دلائل کے بعد فیصلہ محفوظ کیا تھا۔
یاد رہے وفاقی تحقیقاتی ادارے (ایف آئی اے) کا کہنا تھا کہ شیریں مزاری کا نام پاسپورٹ کنٹرول لسٹ (پی سی ایل) میں شامل ہے، پولیس کی درخواست پر پی سی ایل میں نام ڈالا گیا تھا۔
