اسلام آباد : اسلام آباد ہائیکورٹ نے صدر پاکستان عارف علوی کو عہدے سے ہٹانے کی درخواست خارج کردی اور درخواست گزار پر 10 ہزار روپے جرمانہ عائد کردیا۔
تفصیلات کے مطابق صدر پاکستان عارف علوی کو عہدے سے ہٹانے کی درخواست پر فیصلہ جاری کردیا گیا ،فیصلہ اسلام آباد ہائی کورٹ کے چیف جسٹس اسلام آباد ہائیکورٹ اطہر من اللہ نے جاری کیا۔
تحریری فیصلہ 2 صفحات پر مشتمل ہے،عدالت نے صدر پاکستان عارف علوی کو عہدے سے ہٹانے کی درخواست خارج کردی۔
فیصلے میں کہا گیا عدالت کا وقت انتہائی قیمتی ہے، غیر قانونی مقدمے بازی کو برخاست ہونا چاہئے، فضول درخواستیں دائر کرنے کی حوصلہ شکنی کی جائے گی۔
تحریری فیصلے میں عدالت نے درخواست کو غلاظت قرار دے کر 10 ہزار روپے جرمانہ کر دیا اور کہا جرمانے کا رقم عدالت کی جانب سے مقرر کردہ جیل میں قیدی کے وکیل کو دیئے جائیں گے۔
