ویلنٹائن ڈے منانے کے خلاف حکم امتناع برقرار -
The news is by your side.

Advertisement

ویلنٹائن ڈے منانے کے خلاف حکم امتناع برقرار

اسلام آباد: اسلام آباد ہائیکورٹ نے ویلنٹائن ڈے منانے کے خلاف حکم امتناع برقرار رکھا ہے۔

تفصیلات کے مطابق ویلنٹائن ڈے سے متعلق کیس کی سماعت ہائیکورٹ کے سنگل رکنی بنچ جسٹس شوکت عزیز صدیقی نے کی۔ سماعت میں پیمرا کے وکیل ذیشان ایڈووکیٹ نے رپورٹ پیش کی۔

رپورٹ میں کہا گیا کہ غیر مہذب چیزوں کی تشہیر ٹی وی چینلز پر بالکل بند کر دی گئی ہے۔

ہائیکورٹ نے عوامی مقامات اور سرکاری سطح پر ویلنٹائن ڈے منانے سے روک دیا۔

الیکٹرانک اور پرنٹ میڈیا کو ویلنٹائن ڈے کی نشریات اور کوریج روکنے کا حکم برقرار ہے جبکہ وزارت اطلاعات، وفاقی حکومت، چیئرمین پیمرا اور چیف کمشنر سے 10 روز میں جواب طلب کرلیا گیا ہے۔

سماعت کے دوران جسٹس شوکت عزیز کا کہنا تھا کہ ہمارے ہاں لال رومال تحریک چلی، وہاں لال گلاب کی۔

دائر کی گئی درخواست میں کہا گیا ہے کہ ویلنٹائن ڈے اسلامی تعلیمات کی خلاف ورزی ہے، منانے سے روکا جائے۔

جسٹس شوکت عزیز صدیقی نے کہا کہ ویلنٹائن ڈے سے متعلق تفصیلی فیصلہ دوں گا۔ عدالت نے کیس کی مزید سماعت 3 مارچ تک ملتوی کر دی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں