پاکستان کے نائب وزیراعظم اسحاق ڈار کی ایران میں میزائل حملے میں شہید حماس سربراہ اسماعیل ہنیہ سے ملاقات کی تصاویر اور ویڈیوز سامنے آئی ہیں۔
پاکستان کے نائب وزیراعظم اور وزیر خارجہ اسحاق ڈار جو نئے ایرانی صدر کی تقریب حلف برداری میں شرکت کے لیے ایران کے دارالحکومت تہران گئیے تھے۔ ان کی مقبوضہ فلسطین کی مزاحمتی تنظیم حماس کے سربراہ اسماعیل ہنیہ کی شہادت سے ایک دن قبل کی تصاویر اور ویڈیوز سامنے آئی ہیں۔
منگل کو ایران کے دارالحکومت تہران میں ایران کے نومنتخب صدر مسعود پیزشکیان کی تقریب حلف برداری ہوئی تھی، جس میں عالمی رہنماؤں نے شرکت کی۔
حلف برداری تقریب میں شرکت کیلیے نائب وزیر اعظم اسحاق ڈار کی قیادت میں پاکستانی وفد بھی تہران پہنچا تھا۔
ایرانی صدارتی حلف برداری کی تقریب کی ایک تصویر سامنے آئی ہے جس میں ترک وزیر خارجہ، پاکستانی نائب وزیراعظم اسحاق ڈار کو شہید اسماعیل ہنیہ سے ملوا رہے ہیں۔
تقریب کے دوران حماس سربراہ اسماعیل ہنیہ کی اسحاق ڈار سے ملاقات بھی ہوئی تھی، دونوں رہنماؤں نے خوشگوار ماحول میں مصافحہ کیا اور ایک دوسرے کا حال احوال پوچھا اور نیک تمناؤں کا اظہار کیا۔
واضح رہے کہ اسماعیل ہنیہ بھی ایرانی صدر کی تقریب حلف برداری میں شرکت کے لیے تہران پہنچے تھے جنہیں بدھ کی علی الصباح میزائل حملے میں محافظ سمیت شہید کر دیا گیا۔
اسرائیلی میڈیا کا کہنا ہے کہ اسرائیلی وقت کے مطابق رات تقریباً 2 بجے تہران کے قلب میں ایک میزائل فائرکیا گیا، جہاں اسماعیل ہنیہ اپنے محافظ سمیت موجود تھے۔
’’موت میرے سامنے رقصاں‘‘، اسماعیل ہنیہ کی شہادت کے بعد ان کی نظم وائرل
