تامل ناڈو: بھارت کے شہر مدراس میں انسٹی ٹیوٹ آف ٹیکنالوجی کے طالبعلم نے واٹس ایپ پر اسٹیٹس اپڈیٹ کرنے کے بعد خودکشی کر لی ہے۔
بھارتی میڈیا رپورٹ کے مطابق بھارت کی ریاست تامل ناڈو کے شہر مدراس کی انسٹی ٹیوٹ آف ٹیکنالوجی کے 32 سالہ پی ایچ ڈی کے طالبعم نے خودکشی کرلی پولیس کا کہنا ہے کہ طالبعم کا تعلق مغربی بنگال سے تھا۔
مقامی پولیس کے مطابق خودکشی کرنے سے پہلے پی ایچ ڈی اسکالر سچن نے واٹس ایپ پر اسٹیٹس لگایا جس میں لکھا تھا کہ ’سوری، میں اتنا اچھا نہیں‘، پولیس کا کہنا ہے کہ دوستوں نے جب یہ اسٹیٹس دیکھا تو سچن کے گھر پہنچے جہاں اسے لٹکا ہوا پایا۔
انٹرمیڈیٹ کے امتحانات میں نمبرکم آنے پر طالبعلم نے خودکشی کر لی
پولیس کے مطابق ایمبولینس کو بلایا گیا اور سچن کا معائنے کیا گیاکو جس کے بعد اسے مردہ قرار دے دیا گیا۔
انڈین انسٹی ٹیوٹ آف ٹیکنالوجی مدراس نے ایک بیان میں افسوس کا اظہار کرتے ہوئے کہا ہے کہ ریسرچ کے طالبعلم کا بہترین تعلیمی ریکارڈ تھا، اُن کا جانا ریسرچ کمیونٹی کے لیے ایک بڑا نقصان ہے۔
واضح رہے کہ بھارت میں رواں برس کے آغاز میں بی ٹیک کے تیسرے سال کے ایک طالبعلم اور ایک پی ایچ ڈی اسکالر نے انڈین انسٹی ٹیوٹ آف ٹیکنالوجی کے چینئی کیمپس میں خودکشی کی تھی۔
