لاہور: بین الاقوامی شہرتِ یافتہ پاکستانی اداکارہ ماہرہ خان نے کرونا وائرس کی روک تھام کے حوالے سے کیے جانے والے اقدامات پر عمران خان کی حمایت کا اعلان کردیا۔
وزیراعظم عمران خان نے آج ملک کے سینئر صحافیوں اور میزبانوں سے ملاقات کی جس میں انہوں نے کرونا وائرس کی موجودہ صورت حال اور لاک ڈاؤن کے حوالے سے اہم گفتگو کی۔
بعد ازاں اداکارہ ماہرہ خان نے سماجی رابطے کی ویب سائٹ ٹویٹر پر وزیراعظم عمران خان کو مخاطب کر کے لکھا کہ ’مجھے آپ پر فخر ہے اور میں آپ کی حمایت کا اعلان کرتی ہوں‘۔
Proud of you and support you @ImranKhanPTI 🇵🇰💚
— Mahira Khan (@TheMahiraKhan) March 24, 2020
علاوہ ازیں پاکستانی گلوکارہ و اداکارہ اور میوزک کمپوزر علی ظفر نے وزیر اعظم عمران خان کے اقدامات کو سراہتے ہوئے کہا کہ ‘وزیر اعظم نے براہ راست نشریات کے دوران صبر و تحمل کے ساتھ سوالات کے عمدہ جواب دیے اور چند قابلِ ستائش اقدامات اور پیکجز کے حوالے سے بھی آگاہ کیا‘۔ انہوں نے لکھا کہ ’کرونا وائرس کو ہم اپنے اتحاد اور صبر سے ہی شکست دے سکتے ہیں‘۔
Full marks to PM @ImranKhanPTI for patiently presenting himself LIVE to the media for such tough questions. Some commendable initiatives and packages. Hope State Bank reduces interest rates also. The only way we can defeat this is with unity and patience. #COVID19Pakistan #PMIK
— Ali Zafar (@AliZafarsays) March 24, 2020
یاد رہے کہ شوبز انڈسٹری کی معروف شخصیات وزیراعظم عمران خان کےمختلف وقتوں میں اٹھائے جانے والے اقدامات کو قابلِ ستائش قرار دیتی ہیں۔
