منگل, جون 18, 2024
اشتہار

"الومیناتی سے وابستہ” شخص گھناؤنے جرم میں گرفتار، بیوی بچے بازیاب

اشتہار

حیرت انگیز

کراچی: شہر قائد کے ضلع وسطی میں پولیس نے بین الاقوامی خفیہ تنظیم”الومیناتی سے وابستہ” ہونے کے دعویدار شخص کو گھناؤنے جرم میں گرفتار کر کے اس کے قبضے سے اس کی بیوی اور بچے بازیاب کرا لیے۔

تفصیلات کے مطابق ڈسٹرکٹ سینٹرل وومن پولیس نے رضویہ سوسائٹی ناظم آباد اپارٹمنٹ میں ایک چھاپا مار کارروائی میں طاہر نامی جنونی کو گرفتار کیا ہے، اور اس کی بیوی اور 4 بچوں کو بازیاب کرا لیا۔

ایس ایچ او وومن ارم امجد نے بتایا کہ ملزم طاہر کے مطابق وہ بین الاقوامی الومیناٹی تنظیم سے وابستہ ہے، ملزم نے ابتدائی تفتیش میں بتایا کہ وہ ٹیچر ہے، اس نے اعتراف کیا کہ اس کو ای میل کے ذریعے ٹاسک ملتا تھا، اور ہر ٹاسک کی ویڈیو بنا کر واپس ای میل کرنا ہوتی تھی۔

- Advertisement -

پولیس افسر نے بتایا کہ گرفتار ملزم نے ٹاسک ملنے پر اپنی ہی بیوی پر تشدد کیا اور ویڈیو بنائی، بیوی کے جسم پر تشدد کے باعث زخم آئے، ملزم کو اگلا ٹاسک اپنی بیٹی کی ویڈیو بنانے کا ملا تھا۔

ایس ایچ او وومن نے انکشاف کیا کہ ملزم طاہر خفیہ تنظیم کے کہنے پر جنسی ہراسانی، تشدد اور دیگر شرمناک کام کرتا رہا، پولیس کو اس کے خلاف متاثرہ خاتون کی بہن کی جانب سے درخواست ملی تھی، جس پر پولیس نے چھاپا مار کر طاہر کو گرفتار کیا۔

پولیس حکام کے مطابق ملزم طاہر کے خلاف مقدمہ درج کر لیا گیا ہے، اور اس کے قبضے سے ایک لیپ ٹاپ اور دیگر اشیا برآمد کی گئی ہیں۔ ملزم سے مزید تفتیش بھی کی جا رہی ہے۔

Comments

اہم ترین

نذیر شاہ
نذیر شاہ
نذیر شاہ کراچی میں اے آر وائی نیوز کے کرائم رپورٹر ہیں

مزید خبریں