The news is by your side.

عماد وسیم نے سی پی ایل میں تباہی مچادی

جمیکا: قومی ٹیم کے آل راؤنڈر عماد وسیم  کیریبیئن پریمیئر لیگ (سی پی ایل) میں شاندار کارکردگی کا سلسلہ جاری ہے، آل راؤنڈر نے اپنی ٹیم کو فائنل میں پہنچادیا۔

تفصیلات کے مطابق کوالیفائر ٹو میں گیانا ایمازون واریئر کے ساتھ کھیلے گئے میچ میں پاکستانی آل راؤنڈر نے جارحانہ کھیل پیش کیا اورمیچ میں ناقابل شکست 15 گیندوں پر 41 رنز کی اننگز کھیل کر اپنی ٹیم کو فائنل میں پہنچادیا۔

عماد وسیم کی دھواں دار اننگز میں 4 چوکے اور 3 چھکے شامل تھے، اس سے قبل بولنگ میں بھی عماد وسیم نے مخالف ٹیم کے دو کھلاڑیوں کو میدان بدر کیا جبکہ قومی ٹیم کے فاسٹ بولر محمد عامر کے حصے میں بھی ایک وکٹ آئی۔

یہ بھی پڑھیں: حارث رؤف نے بھارتی بلے بازوں کو خبردار کردیا

جمیکا تلاواز نے پہلے بیٹنگ کرتے ہوئے 4 وکٹ پر 226 رنز بنائے تھے جواب میں گیانا ایمازون واریئر 8 وکٹوں پر 189 رنز بنا سکی۔

واضح رہے کہ سی پی ایل میں عماد وسیم 16 وکٹوں کے ساتھ ٹورنامنٹ کے دوسرے بہترین بولر ہیں جبکہ بلے بازی میں اب تک وہ 138 رنز بناچکے ہیں۔

 

Comments

یہ بھی پڑھیں