اسلام آباد : امام مسجدِ نبوی ﷺ ڈاکٹر صلاح بن محمد البدیر اسلام آبادپہنچ گئے، دورے کے دوران وہ صدر مملکت، وزیراعظم و دیگر رہنماؤں سے ملاقاتیں بھی کریں گے۔
تفصیلات کے مطابق امام مسجد نبوی فضیلة الشیخ ڈاکٹر صلاح بن محمد البدیر 7روزہ خیر سگالی دورے پر پاکستان پہنچ گئے۔
وزیرمذہبی امور چوہدری سالک حسین، سعودی سفیر نواف سعید المالکی، سیکرٹری مذہبی امور ذوالفقار حیدر نے معزز مہمان کا استقبال کیا۔
امام مسجدِ نبوی ﷺ حکومت پاکستان کی جانب سے بطور مہمان خصوصی ہوں گے۔
دورے کے دوران مسجد نبوی کے امام صدر آصف علی زرداری، وزیراعظم شہبازشریف سمیت چیئرمین سینیٹ اور اسپیکرقومی اسمبلی سے ملاقاتیں کریں گے۔
امام مسجدِ نبوی ﷺ پاکستانی علمائے کرام سے بھی ملاقاتیں کریں گے اور کل فیصل مسجد میں نماز جمعہ کی اقتداکریں۔
اس کے علاوہ مسجد نبوی ﷺ کے امام دورہ لاہور کے دورے پروزیراعلیٰ پنجاب مریم نواز سے ملاقات کرینگے جبکہ لاہور میں اسلامی مرکز اور مسجد کا دورہ بھی کریں گے۔
