جمعہ, جولائی 19, 2024
اشتہار

امام الحق نے محمد حفیظ کے بیان کی تصدیق کردی

اشتہار

حیرت انگیز

پاکستان کرکٹ ٹیم کے کھلاڑی امام الحق نے سابق ٹیم ڈائریکٹر محمد حفیظ کے بیان کی تصدیق کردی ہے۔

قومی کرکٹ ٹیم کے سابق ٹیم ڈائریکٹر محمد حفیظ کا ایک بیان سوشل میڈیا پر وائرل ہے جس میں انہوں نے کہا تھا کہ آسٹریلیا کے خلاف ٹیسٹ میچ کے دوران 4 سے 5 کھلاڑی ڈریسنگ روم میں سو رہے تھے۔

اس بیان سے متعلق ایک اسپورٹس شو میں امام الحق سے سوال پوچھا گیا، امام الحق نے اس  واقعے کی تصدیق کرتی ہوئے کہا کہ یہ بات صحیح ہے۔

- Advertisement -

امام الحق کا کہنا تھا کہ یہ بات صحیح ہے کہ آسٹریلیا کے خلاف کھیلے جانے والے ٹیسٹ میچ کے دوران ڈریسنگ روم میں کچھ کھلاڑی سو رہے تھے مگر وہ ایک پریکٹس میچ تھا اور تھکے ہوئے کھلاڑی صرف سستا رہے تھے۔

دورہ آسٹریلیا میں پاکستان ٹیسٹ ٹیم کے چار سے پانچ کھلاڑی۔۔۔۔ محمد حفیظ نے کیا کہا؟

امام الحق کا کہنا تھا کہ سونے والے کھلاڑیوں میں، میں شامل نہیں تھا مگر یہ پہلی بار نہیں ہوا تھا، اکثر ایسا ہوتا ہے کہ چائے کے وقفے کے دوران کچھ کھلاڑی 10 منٹ کی نیند لے لیتے ہیں۔

امام الحق نے کہا کہ ڈریسنگ روم میں فیملی جیسا ماحول ہوتا ہے، ہر کھلاڑی ایک دوسرے کے ساتھ گھر کے فرد کی طرح پیش آتا ہے، محمد حفیظ اس وقت ٹیم کے ڈائریکٹر تھے، انہیں کھلاڑیوں کا یوں سونا پسند نہیں آیا تھا۔

’’انہوں نے کھلاڑیوں کو میچ کے دوران سونے سے منع کیا تھا اور کھلاڑیوں نے پھر ایسا نہیں کیا تھا، سونے والے کھلاڑیوں پر 500 ڈالر کا جرمانہ بھی عائد کیا گیا تھا جس کے بعد یہ معاملہ ختم ہو گیا تھا‘‘۔

یاد رہے کہ پاکستان قومی کرکٹ ٹیم کے سابق کھلاڑی محمد حفیظ نومبر 2023 سے فروری 2024 تک ٹیم ڈائریکٹر اور عبوری ہیڈ کوچ رہے ہیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں