قومی کرکٹ ٹیم کے بیٹر امام الحق کی اپنی اہلیہ انمول کے ہمراہ سیر سپاٹوں کی مختصر ویڈیو سوشل میڈیا پر وائرل ہوگئی۔
فوٹو اینڈ شیئرنگ ایپ انسٹاگرام پر پاکستان کرکٹ ٹیم کے اوپنر امام الحق کی اہلیہ انمول نے ایک ویڈیو شیئر کی ہے، جس میں دونوں کو برف سے ڈھکی سڑکوں اور پُرفضا مقام کی سیر کرتے ہوئے دیکھا جاسکتا ہے۔
View this post on Instagram
اس ویڈیو کے کیپشن میں انمول نے امام الحق کو ٹیگ کرتے ہوئے لکھا کہ بے انتہا محبت اور کبھی نہ ختم ہونے والی خوشی سے بھرے اس ہفتے کا اختتام یادگار ہے۔
View this post on Instagram
خیال رہے کہ گزشتہ برس نومبر میں امام الحق اپنی قریبی دوست انمول محمود کے ساتھ شادی کے بندھن میں بندھے تھے، امام الحق کی شادی کی تقریبات کا آغاز 21 نومبر کو ناروے میں مہندی کی تقریب سے ہوا تھا۔
View this post on Instagram
بعدازاں 23 نومبر کو لاہور میں قوالی نائٹ کا اہتمام کیا گیا تھا جہاں سابق کپتان بابر اعظم، سرفراز احمد سمیت دیگر کئی کھلاڑیوں نے شرکت کی تھی۔
25 نومبر کو نکاح کی تقریب منعقد کی گئی جس کی تصاویر اور ویڈیوز امام الحق نے خود اپنے انسٹاگرام اکاؤنٹ پر بھی شیئر کی تھیں۔