قومی ٹیم کے اوپنر امام الحق نے کہا ہے کہ رینکنگ میں نمبر 3 ہوں، بابر اعظم نمبر ون ہے لیکن ٹیم نمبر ون نہیں یہ اچھی چیز نہیں اگر ہم نیوزی لینڈ کو کلین سویپ کریں گے تو ہم رینکنگ میں پہلے نمبر پر آجائیں گے۔
نیوزی لینڈ کے خلاف ون ڈے سیریز سے قبل پریس کانفرنس کرتے ہوئے امام الحق نے کہا کہ ون ڈے اور ٹی ٹوئینٹی کرکٹ میں بہت فرق ہے پچھلے ڈیڑھ سال میں ہمارا ون ڈے ریکارڈ بہت زبردست ہے ہم نے 12 میں سے 9 ون ڈے میچز جیتے ہیں۔
امام الحق نے کہا کہ کوئی بھی انٹرنیشنل شرٹ پہنتا ہے تو وہ جیتنے آتا ہے بی ٹی بھی اتنی ہی تگڑی ہوتی ہے اور انٹرنیشنل کرکٹ میں بھرپور مقابلہ ہوتا ہے ٹی ٹوئینٹی سیریز میں ہم سے غلطیاں ہوئیں، ون ڈے سیریز میں غلطیاں دور کرنے کی کوشش کریں گے اگر ہم نیوزی لینڈ کو کلین سویپ کریں گے تو ہم رینکنگ میں پہلے نمبر پر آجائیں گے۔
Imam-ul-Haq's press conference on the eve of the first ODI in Rawalpindi.
Watch here ➡️ https://t.co/hKDncaneN1#PAKvNZ | #CricketMubarak pic.twitter.com/BAHrFZ82DW
— Pakistan Cricket (@TheRealPCB) April 26, 2023
ان کا کہنا تھا کہ ورلڈکپ سے پہلے یہ ون ڈے سیریز انتہائی اہم ہے پانچ میچز کی سیریز میں اچھا پرفارم کر کے اعتماد حاصل کرنے کی کوشش کریں گے انٹرنیشنل کرکٹ کا پریشر تو ہوتا ہے پانچ چھ سال سے ون ڈے میں اوپننگ کر رہا ہوں، ورلڈکپ کی تیاری کے لیے ہمارے پاس 8 ون ڈے میچز ہیں ایشیاء کپ اور ورلڈکپ میں زیادہ ٹائم نہیں ہے یہ پانچ میچز اہم ہیں، انفرادی کارکردگی سے ٹیم کی جیت اہم ہے۔
بائیں ہاتھ کے بلے باز کا کہنا تھا کہ فخر زمان کے ساتھ اوپننگ کرتے ہویے آرام دہ اور پر اعتماد ہوتا ہوں اس وقت ہمارا کپتان بابر اعظم ہے تو مکمل اسپورٹ اس کے ساتھ ہے پچھلے چار سال میں ون ڈے کرکٹ کم کھیلی ہے۔