اسلام آباد: آئی ایم ایف نے موجودہ حکومت کو نگراں دور کی معاشی پالیسیوں پر عمل درآمد کی سفارش کی ہے۔
تفصیلات کے مطابق آئی ایم ایف نے موجودہ حکومت کو سفارش کی ہے کہ نئی حکومت نگراں دور کی معاشی پالیسیوں پر عمل درآمد جاری رکھے۔
آئی ایم ایف نے کہا ہے کہ نگراں حکومت نے سیاسی نقصان کی پرواہ کیے بغیر معاشی اقدامات کیے، پرائمری سرپلس کا ہدف حاصل کرنے کے لیے سخت کوشش کی، قرضے کم کرنے کے لیے اقدامات کیے گئے، اور ان معاشی پالیسیوں کے باعث بیرونی آمدن بحال ہوئی۔
آئی ایم ایف نے کہا نئی حکومت نگراں دور کی معاشی پالیسیوں پر عمل درآمد جاری رکھے، اور قرضے کم کرنے کے لیے نگراں دور کے فیصلوں پر عمل درآمد کیا جائے، نگراں حکومت نے ایف بی آر کی ڈیجیٹلائزیشن کے اقدامات شروع کیے، اور ایف بی آر کی آٹومیشن کا منصوبہ شروع کیا گیا۔
پاکستان اور آئی ایم ایف کے درمیان بجٹ اہداف میں بڑے پیمانے پر تبدیلی پر اتفاق
انٹرنیشنل مانیٹری فنڈ نے مزید کہا ہے کہ ملکی آمدن بڑھانے کے لیے ہنگامی اقدامات اور اخراجات کو کنٹرول کیا جائے، اور معاشی چیلنجز سے نمٹنے کے لیے صوبوں سے رابطے مضبوط کیے جائیں۔ آئی ایم ایف کا کہنا ہے کہ قومی اسمبلی کی منظوری کے بغیر بجٹ سے انحراف خطرناک ہو سکتا ہے۔
