اسلام آباد : عالمی مالیاتی ادارے (آئی ایم ایف) نے یکم جولائی گیس کی قیمت میں 45 سے 50 فیصدتک اضافے کا مطالبہ کردیا۔
تفصیلات کے مطابق عالمی مالیاتی ادارے (آئی ایم ایف) نے کم یونٹ استعمال کرنے والے بجلی صارفین کو ریلیف دینے پر رضامندی ظاہر کرتے ہوئے گیس کی قیمت میں اضافے کا مطالبہ کردیا۔
آئی ایم ایف نے بجلی اورگیس چوروں کیخلاف کریک ڈاؤن اور ریکوری بہتر بنانے پر زوردیتے ہوئے یکم جولائی سے گیس ٹیرف میں پینتالیس سے پچاس فیصد تک اضافے کا مطالبہ کیا ہے۔
گیس ٹیرف میں اضافہ نگراں وفاقی کابینہ کی منظوری سے مشروط ہے۔
خیال رہے ملک بھرمیں بجلی چوروں کیخلاف کریک ڈاؤن کا بھی آغاز کردیا گیا ہے اور یکم اکتوبر سے پندرہ فروری تک ملک بھر میں دکانیں اور کاروبار مغرب کے وقت بند کرنے کا فیصلہ کیا گیا ہے۔
نگراں وزیراعظم انوار الحق کاکڑ کا کہنا تھا کہ مشکل فیصلوں کا فائدہ عوام کو ہوگا ہمیں آزادی حاصل ہے مقبولیت مدنظر رکھ کر فیصلے نہیں کرنا ہوں گے۔
