اسلام آباد : آئی ایم ایف نے سخت مانیٹری پالیسی کا مطالبہ کردیا، مانیٹری پالیسی سخت کرنے سے شرح سود بڑھنے کا خدشہ ہے۔
تفصیلات کے مطابق پاکستان اورآئی ایم ایف کے درمیان اسٹاف لیول معاہدے کے معاملے پر پاکستان کو پیشگی اقدامات بروقت کرنے کیلئے مسلسل دباؤ سامنا ہے۔
ذرائع نے بتایا ہے کہ آئی ایم ایف نے سخت مانیٹری پالیسی کا مطالبہ کردیا ، مانیٹری پالیسی سخت کرنے سے شرح سودبڑھنےکاخدشہ ہے۔
ذرائع کا کہنا تھا کہ اسٹیٹ بینک نے 22 فروری کو 258 ارب روپےکے ٹی بلزفروخت کردیے، اس وقت اسٹیٹ بینک کا بنیادی شرح سود 17 فیصد ہے۔
ذرائع کے مطابق اسٹیٹ بینک نے3 ماہ کی شارٹ ٹرم ٹی بلز 19.95فیصدپر فروخت کیے، بنیادی شرح سود سے 2.9 فیصد زیادہ سود پر ٹی بلز کی فروخت کی۔
پاکستان اور آئی ایم ایف کےدرمیان ورچوئل میٹنگ میں مانیٹری پالیسی کے نکات پر بھی گفتگو ہوئی ، آئی ایم ایف مانیٹری پالیسی میں سختی کرنے پر بضد ہے۔
آئی ایم ایف کامہنگائی کےحساب سے مانیٹری پالیسی میں سختی کیلئے دباؤ ہے۔
