اسلام آباد : پاکستان کی جانب سے آئی ایم ایف سے قرض پروگرام کی بحالی کے لیے سرتوڑ کوششیں جاری ہیں لیکن کڑی شرائط کے سبب مشکلات میں مزید اضافہ ہورہا ہے۔
اس حوالے سے ذرائع کا کہنا ہے کہ کل بروز منگل اسٹیٹ بینک کی مانیٹری پالیسی کمیٹی کا اجلاس ہوگا، اجلاس میں اسٹیٹ بینک بنیادی شرح سود کا جائزہ لے گا۔
ذرائع کے مطابق بنیادی شرح سود میں2 فیصد اضافے کا امکان ہے، شرح سود 20 سے بڑھ کر22 فیصد تک ہوسکتی ہے جس سے معاشی مسائل میں مزید پیچیدگیاں پیدا ہوں گی۔
وزارت خزانہ کے ذرائع کا کہنا ہے کہ اسٹیٹ بینک نے 22 مارچ کو ٹریژری بلز21.9 فیصد پر جاری کیے تھے،اسٹیٹ بینک نے مذکورہ ٹی بلز بنیادی شرح سود سے 1.9 فیصد زیادہ ریٹ پر جاری کیے تھے اور آئی ایم ایف بنیادی شرح سود کو مہنگائی کے قریب تر لانے کی شرط عائد کرچکا ہے۔
Comments
- Advertisement -