The news is by your side.

Advertisement

تحریک انصاف حکومت کا 10 ارب درخت لگانے کا منصوبہ: آئی ایم ایف کی تعریف

اسلام آباد: انٹرنیشنل مانیٹری فنڈ (آئی ایم ایف) نے پاکستان کے 10 ارب درختوں کے منصوبے کو ایک بار پھر سراہا ہے، سابق وزیر اعظم عمران خان کا کہنا ہے کہ ہم نے تاریخ میں پہلی بار جنگلات کے رقبے میں اضافہ کیا۔

تفصیلات کے مطابق انٹرنیشنل مانیٹری فنڈ (آئی ایم ایف) کی جانب سے سماجی رابطے کی ویب سائٹ ٹویٹر پر پاکستان کی جنگلات کا رقبہ بڑھانے کے لیے کوششوں پر ایک ویڈیو ٹویٹ کی گئی۔

ٹویٹ میں کہا گیا کہ موسمیاتی تبدیلی سے بچنے کے لیے پاکستان کو جنگلات کی حفاظت کرنے کی ضرورت ہے۔

ٹویٹ کے مطابق پاکستان میں جنگلات کی کٹائی کی سطح ریکارڈ بلندی پر پہنچ گئی تھی، تب ہی پاکستان نے 10 بلین درخت لگانے کا منصوبہ شروع کیا۔

آئی ایم ایف کے ٹویٹ کو ری ٹویٹ کرتے ہوئے سابق وزیر اعظم عمران خان نے کہا کہ پاکستان تحریک انصاف کی حکومت نے تاریخ میں پہلی بار جنگلات کی کٹائی کے رجحان کو تبدیل کیا، اور پہلی بار جنگلات کے رقبے میں اضافہ کیا۔

عمران خان کا کہنا تھا کہ صوبہ خیبر پختونخواہ میں سنہ 2014 میں ہم نے 205 بلین پودے لگائے اور 1 ملین ہیکٹر سے زیادہ جنگلات کے رقبے کو دوبارہ سرسبز و شاداب کیا۔

Comments

یہ بھی پڑھیں