اسلام آباد : قرض اور بجٹ مذاکرات سے قبل عالمی مالیاتی فنڈ (آئی ایم ایف) نے پاکستان کے سامنے نئے مطالبات رکھ دیئے۔
تفصیلات کے مطابق عالمی مالیاتی فنڈ (آئی ایم ایف) نے قرض اور بجٹ مذاکرات سے پہلے معاشی چیلنجز ظاہر کردیے۔
عالمی مالیاتی فنڈ نے آئندہ بجٹ میں توانائی شعبے کیلئے پالیسی گائیڈ لائن فراہم کردی، جس میں کہا کہ آئندہ مالی سال بجلی اور گیس کے ریٹ بروقت لاگت کے مطابق طے کیے جائیں۔
انٹر نیشنل مانیٹری فنڈ کا کہنا تھا کہ آئندہ بجٹ میں بجلی اور گیس کا سرکلر ڈیٹ بڑھنے نہ دیا جائے، ٹیوب ویل کی سبسڈی ختم کردی جائیں اور ٹیوب ویل متبادل توانائی پر منتقل کیے جائیں۔
عالمی مالیاتی فنڈ نے مطالبہ کیا کہ آئندہ بجٹ میں صنعتوں کیلئےبجلی کی سبسڈی اور گیس کارعایتی نرخ ختم کردیا جائے، توانائی اصلاحات کے بغیرپاکستانی معیشت خطرات سےدوچار رہے گی۔
انٹر نیشنل مانیٹری فنڈ نے آئندہ بجٹ میں توانائی کے شعبے میں مقررہ بجٹ سے تجاوز خطرہ قرار دیتے ہوئے کہا کہ آئندہ مالی سال بجلی اور گیس کے بلوں میں وصولی بہتر بنائی جائے۔
