واشنگٹن: آئی ایم ایف حکام کا کہنا ہے کہ پاکستان کو آئندہ ہفتے 1.4 ارب ڈالر جاری کیے جائیں گے۔
اے آر وائی نیوز کی رپورٹ کے مطابق آئی ایم ایف آئندہ ہفتے پاکستان کو 1.4 ارب ڈالر جاری کرے گا، پاکستان نے کرونا وائرس کے پیش نظر فنڈز کی فراہمی کی درخواست کی تھی۔
آئی ایم ایف حکام کا کہنا ہے کہ 6 ارب ڈالر کے اضافی فنڈ کی سہولت پر کام جاری ہے، پاکستان ای ایف ایف پروگرام کی پالیسیوں ، اصلاحات پر عمل پیرا ہے۔
واضح رہے کہ آئی ایم ایف کورونا وائرس سے لڑنےکیلئے ممالک کی مدد کیلئے کوشاں ہیں ، اس سے قبل جی ٹوئنٹی ممالک وزرائے خزانہ اورآئی ایم ایف کا مشترکہ اجلاس ہوا تھاجس میں کورونا وائرس کےنقصانات کےحوالےسےاہم فیصلے کئے گئے تھے۔
مزید پڑھیں: کروناوائرس کے خلاف جنگ، ورلڈبینک اور آئی ایم ایف نے فنڈ جاری کردیے
کرسٹلینا جارجیوا نے بتایا تھا کہ آئی ایم ایف نےقرض فراہمی کےحجم کوڈبل کر دیا ہے، جس کے بعد آئی ایم ایف کی قرض فراہمی کی صلاحیت اب دس کھرب ڈالر ہوگئی ہے، قرض فراہمی کانیا دورجنوری دوہزاراکیس سے ہوگا اورتین سال تک جاری رہےگا۔
آئی ایم ایف کی ایم ڈی کا کہنا تھا کہ سی سی آرٹی فنڈ میں چالیس کروڑ ڈالر دستیاب ہیں اورآئی ایم ایف اس کوبڑھاکرایک ارب ڈالر کرناچاہتاہے۔
