اسلام آباد : آئی ایم ایف نے پاکستان کے ساتھ 9ویں اور 10ویں جائزے کو یکجا کرنے کا عندیہ دے دیا تاہم پاکستان پہلے نویں جائزے کو اکیلا مکمل کرنے کا خواہش مند ہے۔
تفصیلات کے مطابق پاکستان اور آئی ایم ایف کے درمیان ورچوئل مذاکرات ہوئے، ورچوئل مذاکرات میں وزیر مملکت ڈاکٹر عائشہ غوث معاشی ٹیم کے ہمراہ شریک ہوئیں۔
ذرائع نے بتایا کہ پاکستان نے آئی ایم ایف کو مذاکرات آگے بڑھانے کیلئے راضی کر لیا اور آئی ایم ایف سے اسٹاف لیول معاہدے کرنے کی درخواست کردی ہے۔
ذرائع کا کہنا ہے آئی ایم ایف نے 9ویں اور 10ویں جائزے کو یکجا کرنے کا عندیہ دے دیا ہے جبکہ پاکستان پہلے نویں جائزے کو اکیلا مکمل کرنے کا خواہش مند ہے۔
ذرائع نے کہا ہے کہ ورچوئل مذاکرات میں آئی ایم ایف کے ساتھ بجٹ نمبرز پر بھی بات چیت کی گئی تاہم دونوں فریقین کے درمیان کوئی بڑی پیشرفت نہ ہو سکی۔
