تازہ ترین

ملکی ضروریات پوری کرنے کیلئے بھارت سے روئی درآمد کرنے کی اجازت پر غور، ذرائع

اسلام آباد: وزارت ٹیکسٹائل نے ملکی ضروریات پوری کرنے کیلئے بھارت سے روئی درآمد کرنے کی اجازت لینے پر غور شروع کردیا ہے۔

ذرائع کے مطابق وزارت ٹیکسٹائل نے بھارت سے ملکی ضروریات پوری کرنے کیلئے روئی درآمد کی اجازت پر غور شروع کردیا گیا ہے، اسی سلسلے میں وزارت ٹیکسٹائل پابندی کےخاتمےکیلئے اقتصادی رابطہ کمیٹی سے رجوع کرے گی، اقتصادی رابطہ کمیٹی کے بعد باقاعدہ حتمی منظوری کیلئے وفاقی کابینہ سے رجوع کیاجائیگا۔

ذرائع کا کہنا ہے کہ بھارت سے روئی کی درآمد کیلئے پہلےعائد درآمدی پابندی ختم کرنا ہوگی، روئی درآمد کی اجازت ملنے سے بھارت کیساتھ تجارتی تعلقات جزوی بحال ہوسکیں گے۔واضح رہے کہ پاکستان مئی دو ہزار بیس میں ہندوستان سے ادویات اور خام مال درآمد سےپابندی ختم کرچکا ہے، یہ فیصلہ کرونا وبائی امراض کے دوران ضروری ادویات کی دستیابی کو یقینی بنانے کیلئےکیا گیا تھا۔

Comments

- Advertisement -