سعودی ولی عہد شہزادہ محمد بن سلمان نے آرامکو کمپنی سے متعلق اہم فیصلہ کیا ہے اور ریاست کے زیر ملکیت حصص میں سے 4 فیصد سنابل کمپنی کو دینے کا فیصلہ کیا ہے۔
عرب میڈیا کے مطابق سعودی ولی عہد شہزادہ محمد بن سلمان نے آرامکو کمپنی میں ریاست کی زیر ملکیت حصص میں سے 4 فیصد حصص سنابل کمپنی کو منتقل کرنے کا فیصلہ کیا ہے جو پبلک انویسٹمنٹ فنڈ کی ملکیت ہے۔
شہزادہ محمد بن سلمان نے واضح کیا ہے کہ اس حصص کی منتقلی کے بعد بھی آرامکو میں حکومت ہی سب سے بڑی شیئر ہولڈر کے طور پر باقی رہے گی۔
انہوں نے مزید کہا کہ سعودی آرامکو میں ریاست کے حصص کے کچھ حصے کی ملکیت کی منتقلی کا مقصد طویل مدت میں قومی معیشت کو مضبوط کرنا، اس کے وسائل کو متنوع بنانا اور سرمایہ کاری کے مزید مواقع فراہم کرنا ہے اور حکومت کا یہ اقدام سعودی عرب کے وژن 2030 کے اہداف کو حاصل کرنے میں معاون ثابت ہوں گے۔
