روس میں ڈرائیونگ لائسنس کو بطور شناختی کارڈ استعمال کرنے کی تجویز پیش کر دی گئی۔
روسی میڈیا کے مطابق عوامی سہولت کے لیے مالی لین دین اور دیگر امور کی انجام دہی کے لیے شناختی کارڈ کی بجائے ڈرائیونگ لائسنس کو استعمال کرنے کے آپشن پر غور کیا جا رہا ہے۔
قانون سازی کے عمل سے گزرنے کے بعد ڈاک، کرنسی کے تبادلے اور دیگر معاملات کے لیے ڈرائیونگ لائسنس بطور شناختی کارڈ قابل قبول ہو گا۔
نائبین کی جانب سے اسٹیٹ ڈوما کو بل پیش کیا گیا ہے جس میں مالی لین دین کے لیے شناختی کارڈ کی جگہ ڈرائیونگ لائسنس کو استعمال کرنے کی اجازت ہوگی۔
روسی فیڈریشن کے وزیر برائے اقتصادی ترقی میکسم ریشینیکوف کا کہنا ہے کہ ڈرائیور کا لائسنس شناختی کارڈ کا متبال بن سکتا ہے کیونکہ شہری ہر وقت شناختی کارڈ اپنے ساتھ نہیں رکھتے اس لیے عوامی سہولت کو مدنظر رکھتے ہوئے دیگر آپشنز کو زیرغور لایا گیا ہے۔
