The news is by your side.

اسپیکر قومی اسمبلی اسد قیصر کی اہم وضاحت

اسپیکر قومی اسمبلی اسد قیصر نے اپوزیشن کی تحریک عدم اعتماد سے متعلق اپنی پوزیشن واضح کر دی۔

میڈیا سے گفتگو میں اسدقیصر نے کہا کہ ایک بات واضح کروں جو اقدام اٹھاؤں گا قانون و رولز کےمطابق ہوگا حکومت اوراپوزیشن کیاکررہی ہیں اس سے میرا کوئی تعلق نہیں۔

صحافی نے پوچھا کہ آپ کے خلاف اپوزیشن نے تحریک عدم اعتماد لانے کا اعلان کیا تو آپ کیا کہیں گے؟ جس پر اسدقیصر نے جواب دیا کہ تحریک عدم اعتماد اپوزیشن کا آئینی حق ہے میں ویلکم کرتا ہوں۔

جب ان سے سوال کیا گیا کہ اسمبلی اجلاس پر قیاس آرائیاں ہیں، وزیراعظم سے ملاقات میں کیا فیصلہ ہوا؟ تو انہوں نے کہا کہ اجلاس بلانے سے متعلق سیکرٹریٹ سے مشاورت کررہا ہوں آئین کے مطابق مقررکردہ وقت پر اجلاس ہوگا۔

ان کا کہنا تھا کہ قانونی رائے لی ہے، یہ میرا کام ہے کہ ماہرین سےمشاورت کروں میں نے کوئی خط نہیں لکھا، میڈیا خبروں کی تردید کرتا ہوں۔

Comments

یہ بھی پڑھیں