پاکستانی ہائی کمشنر ڈھاکا سید احمد معروف نے ہدایت کی ہے کہ پاکستانی اسٹوڈنٹس اپنےکمروں تک محدود رہیں اور موجودہ صورتحال سے خود کو الگ رکھیں۔
اپنے بیان میں انہوں نے کہا کہ بنگلادیش کی بدلتی صورتحال پر گہری نظر رکھے ہوئے ہیں بنگلادیش میں پاکستانی شہریوں کی حفاظت اولین فرض ہے پاکستانی شہریوں خصوصاًزیرتعلیم طلبہ سےمسلسل رابطے میں ہیں۔
سید احمد معروف نے کہا کہ ہائی کمیشن حکام بنگلادیش کی انتظامیہ سے بھی رابطہ رکھے ہوئے ہیں بدلتی صورتحال سے طلبہ کو بھی مسلسل آگاہ رکھا جا رہا ہے جیسے ہی صورتحال خراب ہونا شروع ہوئی طلبہ کو فوری ہائی کمیشن پہنچنےکا کہا گیا ہے جوطلبہ ہائی کمیشن نہیں پہنچ سکےان کے ساتھ ٹیلیفونک رابطہ موجود ہے۔
انہوں نے ہدایت کی کہ پاکستانی طلبہ موجودہ صورتحال سےخود کو الگ رکھیں، بنگلہ دیش میں زیرتعلیم 144 طلبہ میں سے ایک تہائی پہلے ہی وطن پہنچ چکےہیں چند مزید طلبہ آج اور کل میں پاکستان روانہ ہو رہے ہیں اور بنگلہ دیش میں رہ جانے والے طلبہ میں سے کچھ ہائی کمیشن پہنچ چکے ہیں۔
