پاکستان کرکٹ بورڈ نے ڈیبیو کرنے والے اسٹار فاسٹ بولر حارث رؤف کی طبیعت سے متعلق وضاحت کر دی۔
ترجمان پی سی بی کے مطابق حارث کا آج این آر آئی ہوا ہے ان کی طبیعت میں بہتری ہے مگر ابھی آرام کر رہے ہیں۔
واضح رہے کہ گزشتہ روز فیلڈنگ کے دوران دائیں ٹانگ پر کھچاؤ محسوس ہو رہا تھا جس پر انہیں آرام دیا گیا۔
کیریئر کا پہلا ٹیسٹ کھیلنے والے حارث رؤف نے انگلینڈ کے خلاف پنڈی ٹیسٹ کی پہلی اننگز میں صرف 13 اوورز کروائے ہیں۔
انہوں نے 78 رنز دے کر ایک وکٹ حاصل کی۔
Castled! 🎯
Local boy @HarisRauf14 gets his first Test wicket ☝️#PAKvENG | #UKSePK pic.twitter.com/iV7ExlLxF6
— Pakistan Cricket (@TheRealPCB) December 1, 2022
غیرتجربہ کار بولنگ اٹیک میں نسیم شاہ اور محمد علی نے فاسٹ بولنگ کی ذمہ داری نبھائی۔ محمد علی بھی ڈیبیو کرنے والے فاسٹ بولر ہیں۔
دوسری جانب فاسٹ بولر نسیم شاہ نے کہا ہے کہ انجری کسی بھی وقت آسکتی میں اپنی بالنگ پر فوکس کرتا ہوں۔
انہوں نے کہا کہ زندگی میں چیلنج کا مزہ آتا ہے کوشش کرتا ہوں کہ اپنا 100 فیصد دوں، بال اتنا ریورس شاید ہم سے نہیں ہو رہا ہم کوشش کریں گے جو ہماری کارکردگی ہے اس میں بہتری ہو۔
