The news is by your side.

Advertisement

پی ایس بی کا انٹرنیشنل ایونٹس جیتنے کیلیے اہم اقدام

پاکستان اسپورٹس بورڈ نے انٹرنیشنل ایونٹس جیتنے کے مشن کی تکمیل کیلیے غیر ملکی ماسٹر کوچز کی خدمات حاصل کرلی ہیں۔

اے آر وائی نیوز کے مطابق پاکستان اسپورٹس بورڈ نے غیرملکی ماسٹر کوچز کی خدمات حاصل کرلی ہیں جس کے پیچھے عالمی سطح پر ہونے والے نئے ایونٹس جیتنے کا مشن ہے۔

اس حوالے سے 5 سال بعد طویل کیمپس کا انعقاد کیا جارہا ہے، ڈی جی اسپورٹس بورڈ کے مطابق ملک بھر میں 7 ماہ کے طویل کیمپ بھی شروع کر دیے ہیں، کامن ویلتھ ، اسلامک یکجہتی اور ایشین گیمز کے لیے کوچنگ کیمپس لگا دیے گئے ہیں۔

ڈی جی پاکستان اسپورٹس بورڈ آصف زمان نے بتایا کہ ان کیمپس میں برازیل، کوریا، ایران، ہالینڈ اور مصر کے کوچز کھلاڑیوں کی کوچنگ کرینگے جب کہ مزید غیر ملکی کوچز کی خدمات کیلئے رابطے میں ہیں

انہوں نے مزید بتایا کہ اس وقت اسلام آباد، کراچی، لاہور اور کوئٹہ میں کھلاڑیوں کے کیمپس جاری ہیں جہاں ہاکی ، مارشل آرٹ، سوئمنگ، والی بال، ہینڈ بال، ایتھلیٹکس، کبڈی ودیگر کھیلوں کی تربیت دی جارہی ہے۔

Comments

یہ بھی پڑھیں