The news is by your side.

Advertisement

صنعت کاروں کے لیے ریفنڈز کی صورت حال بہتر کردی ہے، عبدالرزاق داؤد

کراچی: مشیر صنعت و تجارت عبدالرزاق داؤد نے کہا ہے کہ حکومت نے صنعت کاروں کے لیے ریفنڈز کی صورت حال بہتر کردی ہے، ری فنڈ کی مد میں صنعت کاروں کو 17.5 ارب دیے گئے۔

تفصیلات کے مطابق مشیر صنعت و تجارت عبدالرزاق داؤد نے تقریب سے خطاب کرتے ہوئے کہا کہ چاول کے ایکسپورٹرز نے سبسڈی کے بغیر بیرونی فروخت ڈھائی ارب ڈالر تک بڑھانے کی حکمت عملی بنائی ہے۔

مشیر تجارت کا کہنا تھا کہ رواں سال ملک میں خوردنی تیل کی پیداوار بڑھی ہے لیکن بڑے پیمانے پر انحصار کے لیے فی ایکڑ پیداوار 25 من فی ایکڑ ہونا ضروری ہے۔

عبدالرزاق داؤد کا کہنا تھا کہ ہماری پالیسی ہے برآمدات میں کسی قسم کی ڈیوٹی نہیں ہونی چاہیے، ایف بی آر کے ساتھ بھی بیٹھ کر پلان ترتیب دیا جا رہا ہے۔

مشیر تجارت کا کہنا تھا کہ حکومت نے صنعت کاروں کے لیے ریفنڈز کی صورت حال بہتر کردی ہے، ری فنڈ کی مد میں صنعت کاروں کو 17.5 ارب دیے گئے۔

عبدالرزاق داؤد نے مزید کہا کہ سمندری حیات کی برآمد 60 ٹن چین بھیجی جا رہی ہے، سمندری حیات کی برآمدات میں 34 فیصد اضافہ ہوا ہے۔

Comments

یہ بھی پڑھیں